– Eg kan stadfeste at sjåføren er fråteken førarkortet. Vi har mistanke om at mannen har sovna. Mannen vert avhøyrt i dag, seier Ole Tom Nord ved Eid lensmannskontor.
Semitraileren stod godt uti grøfta tidleg onsdag morgon, og trengde hjelp for å komme seg derifrå.
– Han stod godt fast, ja, fortel ein NRK-tipsar, som passerte staden i 06-tida.
Det var grei passasje på staden, då traileren står godt uti grøfta på si side.
Ikkje meldt om personskade
Vogntoget var på veg i retning Måløy då uhellet skjedde.
Politiet opplyser at det ikkje er meldt om personskade.
Bilbergar var på staden i 07-tida, og vegen var delvis stengd medan bilberging gjekk føre seg.