– Nedrykket kunne ha fått langt større negative konsekvensar, etter ein tung haust og mange som sikkert tenkte negativt om oss. Men vi har klart å løfte oss, og fått ny positiv energi inn i klubben. Vi merkar det også i bygda, seier Geir Inge Heggestad.
Det er i underkant av ein månad til seriestart for Sogndal etter nedrykket frå eliteserien. Arrangementssjefen har til no selt 1523 sesongkort på Fosshaugane.
– Vi er godt nøgde med tanke på at vi rykte ned. Det er uansett viktig for oss å komme opp i eit tal som gjer at vi kan fylle stadion flest mogleg gongar, seier Heggestad.
Ikkje langt unna tala for åra i eliteserien
Sist sesong selde Sogndal 1973 sesongkort, noko som er bestenotering i klubben. På same tid i fjor hadde dei seld 1690. Året før enda Sogndal opp med 1815 selde årskort.
Det er – paradoksalt nok – innan rekkevidde også etter nedrykket.
– Vi ser at dei mest ihuga supporterane er med oss. Så vi har eit håp om det same talet også i år, sjølv om eg ser at det kan bli vanskeleg – men det vil uansett ikkje bli langt unna, seier Heggestad.
- Les også:
- Les også:
NØGD: Arrangementssjef Geir Inge Heggestad trur satsing på lokale krefter og meir offensiv fotball slår positivt ut på engasjementet rundt Sogndal.
Foto: Heidi Lise Bakke / NRKFøler klubben er på veg opp etter nedturen
Etter nedrykket har Eirik Bakke teke over som trenar. Han har varsla ein langt sterkare lokal profil på laget. Og ikkje minst; angrepsfotball.
Supporterleiar Vidar Vadseth trur det kan slå positivt ut for engasjementet rundt klubben.
- Les også:
– Med Eirik Bakke som trenar er det ny giv og ei ny tidsrekning. Det kjem til å slå positivt ut for Sogndal i åra som kjem. No skal vi vere eit angripande lag, og vi skal styre kampar. Det er mykje artigare å sjå eit lag som angrip og vil vinne kampar, enn å sjå eit lag som er defensivt og spelar på andre sine svakheiter, seier han.
Han legg til:
– Eg føler vi er på veg opp og fram, sjølv om vi skal spele i 1. divisjon. Det blir veldig spennande å følgje med.
