Spelar sin første kamp på nær eitt år

Eit Sogndal-lag på desperat poengjakt gjer heile seks endringar frå laget som førre helg vart utspelet mot Sarpsborg 08.

Ulrik Flo scorar for Sogndal

MÅL: Ulrik Flo stangar inn 1-0 for Sogndal.

Foto: Snæland, Alf Vidar / NTB scanpix
Oddleif Løseth
Journalist

Mellom anna får Kenneth Udjus sin første kamp mellom stengene når Sogndal prøver å stogge rekkja med 11 kampar utan siger.

31-åringen er på lån frå Lillestrøm, men har ikkje spelt ein seriekamp sidan nest siste serierunde i fjor.

Kenneth Udjus

FRÅ START: Kenneth Udjus får sin første seriekamp for året mot Haugesund. Biletet er frå avskilskampen med Sogndal mot Brann før han reiste til Åråsen og Lillestrøm.

Foto: Oddleif Løset / NRK

– Det er litt først og fremst fordi Kenneth er vaksen, og har stått i denne situasjonen før. Det har gått ein tid der laget gått i motbakke og vi trur Kenneth sin personlegdom og erfaring kan vere med som eitt bidrag i å lukkast i dag, seier assistenttrenar Tom Mangersnes.

Utvik og Patronen

Udjus vart henta tilbake i haust, men har til no ikkje lukkast med å utkonkurrere unge Mathias Dyngeland som sisteskanse.

Laster innhold, vennligst vent..

– Denne endringa betyr ikkje at vi meiner Mathias har underprestert, presiserer Mangersnes.

Mathias Dyngeland

MÅ VIKE: Mathias Dyngeland vart denne veka teken ut på G18-landslaget, men må vike plass som keeper for Sogndal i dag.

Foto: Rune Sjøberg

I tillegg er Bjørn Inge Utvik og Hannu Patronen tilbake i midtforsvaret i det som kan sjåast ut til å vere ein 4-4-2-formasjon. Utvik har vore skadd og Patronen suspendert.

Nilsen og Otoo på topp

Vidare er Ulrik Flo sett inn på midtbanen. Der finn ein også Petter Strand som i vår var ein svært god spelar for Sogndal. På topp skal Tim Nilsen og Mahatma Otoo jakte scoringar i lagnadskampen mot eit FK Haugesund stinne i sjølvtillit etter sigeren over Rosenborg sist.

Laget er nest sist med 21 poeng. Med Sandnes Ulf sine tre poeng mot Vålerenga fredag har også dei meldt seg på i kampen om å overleve.

(Artikkelen held fram under videoen)

Eit Sogndal-lag på desperat poengjakt gjer seks endringar før møtet mot Haugesund.

SJÅ VIDEO: Tom Mangersnes om endringane dei gjer før møtet med FK Haugesund. (FOTO/REDIGERING: OLE ANDRE REKKEDAL/NRK)

Brann på kvalifisering har 23 poeng, medan dagens motstandar har 24 poeng på trygg grunn.

– Vi gjer desse endringane fordi det er ting vi ikkje har vore heilt nøgde med. Vi har ikkje klart å levere det vi skal som lag, seier Mangersnes.

(Artikkelen held fram under videoen)

Sogndal-supporterane gjekk i folketog til Fosshaugane før lagnadskampen mot Haugesund.

SJÅ VIDEO: Folketog for Sogndal før lagnadskampen. (FOTO/REDIGERING: OLE ANDRE REKKEDAL/NRK)

Vil angripe

– Kva håpar de å oppnå med desse endringane?

– At vi har eit Sogndal-lag som er i angrepsposisjon frå start. At vi angrip kampen, legg vekk konsekvenstankegangen.

– Det handlar no om å kanalisere all energi inn mot det som skal skje i dag. Vi trur den ellevaren er veldig godt rusta til nettopp det, held Mangersnes fram.

LAGET: Kenneth Udjus – Taijo Teniste, Hannu Patronen, Bjørn Inge Utvik, Logi Valgardsson – Ulrik Flo, Babacar Sarr, Rune Bolseth, Petter Strand – Tim Nilsen, Mahatma Otoo

BENKEN: Mathias Dyngeland, Christophe Psyché, Eirik Skaasheim, Joar Tryti, Tonny Brochmann, Helge Haugen, Edward Ofere

Laster innhold, vennligst vent..
Atle Steinar Solheim vart overraska med nyheita om at han er ein av fem nominerte
Over 80 barn var samla på Jølstraholmen for å tjuvstarte adventstida med pynting av pepperkakehus.
Å levera lekser på nett er ikkje lett når internett-tilgangen er dårleg. 
Men det ER realiteten for mange skuleelevar i distrikta. 
Skilnadane er store, trass i at bruk av data får ein stadig større plass i skulen.