Silje Aarnes, Silje Vik, Anne Irene Ueland, Yngvild Ljøkjell og Jon Olav Økland er alle elevar på Sygna vidaregåande skule - ein kristen internatskule i Balestrand.
Dit kjem elevar frå heile landet, og mange av dei har teke det same klare standpunktet om å seie nei til både sex og alkohol.
- LES OGSÅ:
- LES OGSÅ:
Sexolog Magrete Wiede Aasland sa til NRK.no på fredag at jentene må skjerpe seg og ta meir ansvar. Ho sa at jentene ikkje kan gni og gnukke på gutane, og så meine at ein ikkje sender ut signal om at ein vil ha sex. Kristenrussen støttar sexologen, og seier ein ikkje kan legge all skuld på gutane:
– Det er mange jenter som vil vere lause. Vi jenter har også ei viktig rolle i dette her, seier Silje Vik.
Reagerer sterkt på sex og alkohol
Medan tusenvis av russ samla seg til landstreff i Kongeparken i Stavanger og på Lillehammer, feira kristenrussen i Balestrand på sin måte heime.
Silje Aarnes frå Hestadgrend i Gaular er ein av dei som reagerer sterkt på at russefeiringa for dei fleste handlar om sex og fyll.
– Eg trur at det er mange som misbruker russetida. Berre dei får på seg den raude buksa, så tenker dei at det ikkje er nokon reglar lenger. Då kan dei gjere det dei vil og brukar det som unnskyldning. Men eg tenker uansett. Dei som ikkje gjer det må ta konsekvensen av det, seier Aarnes til NRK.no.
- LES OGSÅ:
- LES OGSÅ:
Dei siste dagane og vekene har det kome fleire meldingar om påståtte valdtekter i russemiljøet rundt om i landet.
Kristenrussen i Balestrand meiner uforsiktig bruk av alkohol og ei for lett haldning til sex, i verste fall kan føre til overgrep.
– Vi har og ei viktig rolle i dette her, seier Silje Vik, som meiner at jenter sjølve må syne meir ansvar for å unngå at gutane går over grensa.
Ta meir ansvar
Kristenrussen i Balestrand er stolte over at dei har teke eit standpunkt mot sex i russetida. Yngvild Ljøkjell meiner at det er ille at russ faktisk vert oppmoda til sex med med mange for statusen sin del.
– Det blir for lettvint, og ein gir for masse av seg sjøl, så blir ein veldig såra. Eg trur ikkje ein har det veldig mykje betre av å få all den fridomen, seier Ueland.
- LES OGSÅ: