NRK Meny
Normal

Seier frå seg plassen i meisterligaen – måtte spelt heimekampar på Sotra

Førde er kvalifiserte for den største klubbturneringa i Europa, men økonomi og fasilitetar sett ein stoppar for deltakinga.

Mathias Loftesnes og Lars Fredrik Tvinde

INGEN JUBEL: Mathias Loftesnes (t.v.) og Lars Fredrik Tvinde har jubla for mange sigrar i Førdehuset, men for låg takhøgd og for lite tilskodarkapasitet gjer at dei ikkje kan møte dei beste laga i Europa der.

Foto: Rune Fossum / NRK

– Vi har bestemt at vi ikkje deltek i meisterligaen, men deltar heller i Challenge Cup neste sesong, seier styreleiar i klubben, Bjørn Holvik.

Som seriemeister var Førde kvalifisert til å møta dei beste laga i Europa, men meisterligaen står i sterk kontrast til fotball. Der er meisterligaen ei pengemaskin og lag som kvalifiserer seg tener fleire titals millionar, er det eit pengesluk for eit amatørlag i volleyball som må betalar for å vera med.

Til Sotra

For det europeiske volleyballforbundet har streng krav til fasilitetane deltakarane, akkurat som i fjor.

  • Hall med 2000 sitteplassar.
  • 12 meter under taket, ni meter i første runde (I Førdehuset er det sju meter.)
  • TV-sending med fem kamera.

– Næraste arena som oppfyller alle desse krava er på Sotra og då hadde vi fått store utgifter med reise til og frå heimekampane også. I Challenge Cup kan vi få dispensasjon til å spele kampane i Førdehuset, seier Holvik.

For å køyre til Sotra Arena for å spele heimkamp er det 189 kilometer og tre timar og 22 minutt å køyra – kvar veg. I tillegg måtte dei ha kryssa Sognefjorden med ferje.

Laster kart, vennligst vent...

Så langt er det mellom Førdehuset, der Førde vanlegvis spelar sine heimekampar, til Sotra Arena, som er næraste hall som oppfyller det europeiske volleyballforbundet sine krav til deltaking i meisterligaen.

Challenge Cup er nivået under meisterligaen, og kan samanliknas med Europaligaen i fotball.

– Det vert ei stor utgift å vera med der også, men i meir kontrollerte former enn meisterligaen. Men det er trasig for spelarane vår å ikkje få spela mot dei beste, når dei er kvalifisert for det, seier Holvik.

Trenar Jan Egil Tvinde tar avgjerda med fatning.

– Det er surt, men samstundes hadde vi møtt reine profflag i meisterligaen. Det er ein uoppnåeleg målestoff for vårt amatørlag, seier han.

Teaterfestivalen i Fjaler  
Frida Melvær møtte innbygarane dagen derpå
Milliongåve til Redningsselskapet som takk for innsatsen