Bonde Ove Baggetun har eit par hundre sauer i området. Han sat i stova og såg ut vindauget då raset gjekk.
– Det byrja å løsne stein frå toppen, så raste heile fjellsida. Då rømde sauene i alle retningar, seier han.
Når NRK snakkar med bonden har han akkurat oppdaga fleire sauer som treng hjelp i nedkanten av raset.
– Det er to-tre sauer som står fast i jorda, så eg får sjå om eg greier å få dei opp, seier Baggetun.
Han fortel at raset er om lag 150 breitt og starta 600 - 700 meter oppe i fjellsida. Raset har gått i Krundalen, ein liten sidedal til Jostedalen der det bur 70-80 personar.
Ordførar i Luster, Ivar Kvalen, seier dei no må sjå om det dei må gjere tiltak i elva i dalen.
– Krundøla er fylt med jordmassar og stein, så må me må ta ei vurdering saman med NVE på kva som må gjerast i elveløpet, seier han.
Raset gjekk ein kort time før NVE oppjusterte jord- og flaumskredefaren i Sogn og Fjordane frå grønt til gult nivå, det nest lågaste på skalaen.