Vil ha arkitektur og kulturarv som ein del av opplevingsturisme

I dag samla rundt 40 personar seg på villakssenteret i Lærdal til fagseminar. På seminaret skal dei prøve å finne ut korleis ein kan bruke arkitektur og kulturarven betre i reiselivet.

• LES OGSÅ: Meiner omfattande PR i Asia, USA og Russland har gjort Flåmsbana til ein suksess
• LES OGSÅ: Rekord på rekord gav toppår for reiselivet i Flåm

Sigurd Kvikne, kjent som hotelldirektør for Kvikne hotell i Balestrand er ein av dei som har vore med og hatt idear.

– Det var ein diskusjon i Fjordnorge og NCET om at ein skulle sjå på moglegheiter for meir aktivitet og meir produktutvikling. Poenget er å utnytte meir av fjordlandskapet og dei moglegheitene som ligg i arkitektur. Dei nasjonale turistvegane er jo eit godt eksempel på kva ein kan få til av spennande ny arkitektur som gjer at ein trekker til seg fleire gjester, seier Kvikne.

• LES OGSÅ: Reisemål Stryn & Nordfjord i akutt pengenaud - ber eigarkommunane om ekstratilskot

Hotelldirektøren trur dette er ei satsing som vil skape meir i kassa til reiselivet.

– Og det må ikkje berre bli snakk. Eg håpar at denne konferansen her gjer at vi får nokre produkt som vi kan gå ut på marknaden å selje, fortel Kvikne.

– Tene pengar og bli verdsleiande

Randi Bårtvedt i NCET (Norwegian Centre of expertise – Tourism) står bak denne samlinga i samarbeid med Riksantikvaren og Statens vegvesen i Lærdal.

– Vi har satsa på aktivitetar og opplevingsturisme. Grunnen til at vi er her i Lærdal er fordi Lærdal og kongevegen kan bli eit produkt i lag, så kan ein kople det same på Balestrand, Vik i Sogn, Voss og Hardanger når det gjeld arkitektur og fjordkultur, så har vi mykje å selje som vi i dag ikkje tenkjer på, fortel Bårtvedt.

På fagseminaret skal dei diskutere korleis arkitektur og kulturarv kan gjerast verdsleiande på reiseliv i Sogn og Fjordane.

– Tene pengar, bli verdsleiande og presentere vår eigen kultur. Vise at det faktisk bur folk i fjordane, og at vi har ein særeigen byggjeskikk, seier ho.

– Vi har stavkyrkjer, industriarkitektur og sveitserstil. I Lærdal har vi Lærdalsøyri, men òg villakssenteret. Å få folk meir folk til å bruke det, då vert det fleire arbeidsplassar. Reiseliv er noko som har framtida for seg.

• LES OGSÅ: Framleis svikt i talet på europeiske turistar, men fleire asiatar og nordmenn veg opp
• LES OGSÅ: Rundballeprotest mot cruiseturismen i Flåm - turistane reagerar med frykt

Å ta kulturarven inn i vår tid

Bårtvedt forsikrar at det vil kome ut nye produkt av fagseminaret.

– Vi har med oss arkitekt Lars Haukeland frå Lpo i Oslo. Han står blant anna bak Mathallen der. Også Sverre Landmark frå eigedomsgruppa bak satsingar i Drammen og Oslo.

HØYR PRATEN MED ARKITEKT LARS HAUKELAND: Han meiner Lærdal må tenkje nytt når samfunnet skal utviklast og moderniserast.

Mykje folk med ulik kompetanse er altså samla i Lærdal for å kome opp med gode idear til korleis ein skal utnytte fjordlandskapet.

– Vi har med oss folk får eigedomsbransjen, vi har dei som teiknar og ikkje minst ekspertar frå fortidsminneforeininga og reiselivet på dette med å ta kulturarven i bruk. Det handlar om å ta kulturarven med inn i vår tid og presentere det for folk i da, seier Bårtvedt.

• LES OGSÅ: Små nisjehotell opplever gode tider
• LES OGSÅ: Cruisetrafikken kan få nye restriksjonar