- Uttaket er positivt både for utøvarane og kastmiljøet i fylket, seier sportsleg leiar i Gloppen Friidrettslag, Jørund Aardal.
Tett oppfølging
Det er dei unge kasttalenta Trude Raad frå Breim, Kristine Gjengedal frå Hyen og Steinar Kleppe frå Florø som er tekne ut i forbundet si satsingsgruppe for kastarar. Prosjektet fokuserer på utøvarar i alderen 15 til 19 år som har potensial til å nå internasjonalt seniornivå. Kasttalenta vil få tett oppfølging frå forbundet.
I tillegg til uttaket av dei tre kasttalenta er det tidlegare kjent at Kristin Roset har fått plass i satsingsgruppa for mellom- og langdistanseløparar.