Mykje folk hadde funne vegen til Årdalstangen og første kvelden av den 12. utgåva av Målrock. Multimusikaren Jarle Bernhoft sparka det heile i gong, og han syng vanlegvis på engelsk.
Men i kveld fekk han full jubel då han song storhiten "Stay with me" på ekte sognamål. Noko som naturleg nok publikum i Årdal tykte var retteleg stas.
– Det er litt trist at Målrock ikkje lenger berre har artistar som syng på norsk, difor har eg gjort om ein av songane mine, sa ein strålande Bernhoft frå scena i Meieriparken.
Festivalsjef for Målrock, Katrine Clausen Fredheim, meiner at årets festival kjem til å bli den beste i rekka. Mange kjede artistar skal spele, og det er seld mange billettar på førehand.
– Vi har selt bra billettar, så vi vonar på ein 5500-6000 pubikummarar i år, seier Katrine Clausen Fredheim til NRK.
