Mange komponistar har sett tonar til Jakob Sande sine dikt. Dei mest brukte og populære melodiane skapte Kurt Foss og Reidar Bøe, som hadde mange slagerar i Ønskekonserten på 1950-talet. Teatersjef Terje Lyngstad meiner at dei populære melodiane har vore med på å skugge for innhaldet i tekstane til Sande.
- Tralla i hel
- Gjennom gjentatt presentasjon av musikken i lag med dikta så har han kanskje blitt tralla i hel. Det vert som med popmusikk, ein nynnar på melodien utan å tenkje på innhaldet, seier Lyngstad.
Det er forfattar Ragnar Hovland som har fått i oppgåve å dramatisere livet og forfattarskapen til Jakob Sande i jubileumsframsyninga.