Politiet fekk melding om utforkøyringa klokka 1209. Bilen køyrde av fylkesveg 55 ved Heggmyrane, mellom Gaupne og Hafslo i Luster.
– Ein bil med to personar har køyrt av vegen. Begge personane har kome seg ut av bilen, opplyste operasjonsleiar Trond Hatlenes ved Sogn og Fjordane politidistrikt like etter klokka 12.
Dei to personane som var i bilen blir sendt til sjukehuset i Førde. Årsaka til ulukka er førebels ukjend.
– Men det var dårleg føre i området. Det var sporete, tung våt snø og tett snødrev, seier Hatlenes i 13-tida.
