– Vi kjenner røyklukt, men ser ingen brann, opplyser operasjonssentralen til politiet.
Alarmsentralen til brannvesenet opplyser at det er røykutvikling i ei leilegheit i 3. etasje.
Alle i trappeoppgangen blei evakuerte. Politibetjent Kristine Skilbrei er på staden og seier det ikkje er opne flammar.
– Brannvesenet skal ta seg inn i leilegheita, så vi ventar til dei har gjort jobben sin.
Klokka 16:40 opplyser politiet at røykdykkarar har vore inne i leilegheita.
– Det luktar røyk, og det kan vere frå ein vedomn, skriv politiet på Twitter.