Rust på draget var årsaka

Havarikommisjonen held fast på at rust på tilhengardraget var årsak til ulukka i Skatestrumtunnelen. I dag er det nøyaktig eitt år sidan ein hengar lasta med 16.000 liter bensin tok fyr inne i den nær to kilometer lange undersjøiske tunnelen. Havarikommisjonen opplyser at dei har god oversikt over hendingsforløpet, og at dei jobbar med dei endelege analysane og konklusjonane.