Ein person blei påkøyrd på Dalåker i Sogndal søndag ettermiddag, og politi og ambulanse rykka ut. Personen var ikkje alvorleg skadd, men bilisten hadde køyrd vekk frå staden.
Mannen i 60-åra blei pågripen av ein patrulje litt seinare. Ifølgje politiet var mannen rusa på alkohol, og han blei også aggressiv mot politipatruljen.
Mannen er sett i varetekt og blir meld for trafikkulukka, for køyring i rusa tilstand og for vald mot politiet.