NRK Meny
Normal

Rus og bråk – slik var politinatta

Natt til sundag var travel for politiet i fylke. Dei måtte rykke ut til fleire privatfestar.

Politibil i utrykning

RYKKA UT TIL BRÅK: Fleire stader i fylket måtte politiet rykke ut etter melding om bråk.

Foto: Kallestad, Gorm / NTB scanpix

Både i Sunnfjord, Sogn og Nordfjord hadde politiet forskjellig dei måtte hanskast med.

I Måløy ville ein mann inn i eit hus han ikkje var velkomen i. Politiet måtte fjerne mannen i 50-åra frå adressa.

Avslutta fleire festar

Både i Sunnfjord og Sogn hadde folk samla seg på private festar som politiet valde å avslutte.

I Vik forstyrra ein fest nattesøvnen til naboane. Politiet rykka ut og stoppa festen.

I Florø var fleire mindreårige samla på fest. Bråk og fleire fulle ungdomar gjorde at politiet avslutta festen.

I Førde rykka politiet ut på melding om mykje støy frå eit privat husvære i Førde. Der var fleire ungdomar samla, og politiet valde å stenge festen.

Vanskelege gjestar

I Førde, Måløy og Sogndal måtte politiet ordne opp i bråkete gjestar.

Ein mann i 20-åra blei vist bort frå ein utestad i Førde. Det same skjedde i Måløy, der ein mann skapte trøbbel. Mannen blei henta av politiet og måtte halde seg vekke frå staden resten av natta.

Seinare på kvelden var det slåstkamp utanfor ein utestad i Førde.

Mistanke om promillekøyring på Eid

Kl. 03.20 på natta fekk politiet melding om promillekøyring på Nordfjordeid. Ein mann i 20-åra blei tatt med for å ta blodprøve, og fekk førarkortet kverrsett.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.