– Der er ikkje nokon brann i tunnelen. Det kan verke som ein buss har køyrt gjennom tunnelen med ein god del røykutvikling, seier vaktleiar Nina Andal ved Alarmsentralen i Sogn og Fjordane.
– Det står ein elbil i tunnelen som ein trudde kunne ha forårsaka røykutviklinga, men det viser seg at dei som køyrde denne bilen har forlate tunnelen grunna røyken.
Andal fortel at det ikkje er ventilasjon i tunnelen, og at brannvesenet no arbeider for å få røyken ut med ei mobil vifte.
Vest politidistrikt melder at ein elektrikar er på veg til tunnelen for å undersøke ein mogleg feil på det elektriske anlegget.
Klokka 16:45 melder Vegvesenet at situasjonen er avklart og tunnelen er open for trafikk.