Medan samferdsleminister Ketil Solvik-Olsen venta i stortingssalen, var Rotevatn heilt på villspor ein annan stad på Stortinget, melder Bergens Tidende.
– Nei, dette er berre pinleg. Dette er berre å beklage, sa Rotevatn til Bergens Tidende då dei fann han i gangane.
Ifølgje avisa hadde då sekretariatet prøvd å ringe Rotevatn, men han hadde ikkje teke telefonen.
Spørsmålet Rotevatn skulle stille til Solvik-Olsen var om korleis statsråden skal sørgje for at tempoet i opprustinga av E39 vert halde oppe.
Til BT seier Solvik-Olsen at han synest det er underleg at representantar frå eit parti som kuttar 1,5 milliardar i riksvegløyvingar kjem og ber om meir pengar til eige fylke.