Fryktar flystreik frå onsdag morgon

Det foregår i kveld mekling mellom dei kabintilsette og leiinga i flyselskapet. Fristen er sett til midnatt, men det er venta at riksmeklaren vil få partane til å sitje på overtid.

– Vi er i forhandlingar no, og vona er der. Meklaren jobbar med partane, og eg er framleis optimist, sa kommunikasjonsdirektør i Widerøe, Richard Kongsteien, til NTB i kveld.

Råkar mange tusen

For flyreisande til og frå Sogn og Fjordane finst det ingen alternativ utover buss eller bil. Ein streik vil og råke Ørsta/Volda lufthamn og samtlege andre flyplassar der Widerøe flyr.

Kring 400 daglege avgangar og kring 11.000 passasjerar vil bli råka av ein mogleg streik.

• LES OGSÅ: Kritiske til Widerøe-kjøp
• LES OGSÅ: Frykter fylkeskommunen havner i skvis etter Widerøe-kjøp

Pensjonskrangel

Dei kabintilsette i Widerøe kjempar for å få forhandlingsrett og påverknadskraft over kva slags pensjonsordning arbeidsgjevaren skal tilby dei tilsette. Årsaka til konflikta mellom dei tilsette og flyselskapet skuldast altså ikkje usemje om løn.

• Widerøe sin informasjon til dei som blir råka av streik

Sist fredag vart det kjend at Fjord1, saman med Torghatten og Nordland fylkeskommune, har kjøpt 80 prosent av aksjane i Widerøe frå SAS.