Uhellet skjedde i 14.30-tida. Etter det NRK.no kjenner til var det ingen dramatikk og ingen av personane om bord vart skadde.
Det er førebels ukjent kor mange som var om bord.
Innbyggjarar i Rognaldsvåg reiste ut for å hente på land dei som var om bord. Det skal ikkje ha gått hol i skroget på båten og ein reknar med å kunne dra båten av når det blir flo.
– Vi har fått opplysningar om at dei som var om bord er på land og i god behald, seier operasjonsleiar Per Rimmen ved Sogn og Fjordane politidistrikt.