Tidlegare i dag melde NRK at Stryn sommarskisenter i år berre har hatt halvparten så mange besøkjande som i fjor.
Men på Sognefjellet ser dei ein motsett trend. Ove Fortun, dagleg leiar ved Sognefjellet sommarskisenter er svært nøgd med årets sesong.
- LES OGSÅ:
4000 besøkjande
– Sesongen har vore veldig bra. Vi starta opp 24. mai og har drive på til sist måndag, då hadde vi avslutning, seier han.
Sommarskisenteret har i år hatt rundt 4000 i løypene deira. Det er ein auke på mellom 500 og 600 frå fjoråret.
– Spesielt svenskane har vore utruleg flittige i år. Vi har hatt mykje frå Sverige som har vore her. Dei vil heller gå på Sognefjellet enn å gå i vintertunnelen i Torsby, seier Fortun.
- LES OGSÅ:
TV-program som reklame
Han er usikker på kva som er årsaka til årets rekord, men seier dei har fått god reklame på TV i vinter.
– Det gjekk jo eit program om løypekøyraren på Sognefjellet i vinter, så det kan hende det har hatt påverknad på det som har skjedd her no i sommar. Det var fin reklame for oss.