Snømengdene i fylket er historiske

I går måtte Vassenden skule evakuere alle elevane etter at skuletaket måtte mokast fritt for snø fordi det var usikkert om taket heldt dei store snømassane som er komme.

• Les også: Evakuerte skulebygg – frykta store snømengder

Etter intenst arbeid er skulen klar for bruk i dag. Men berre klasseromma, taket spesialavdelingane som gymsal og naturfagsal er framleis ikkje moka.

Også i Sogndalsdalen er det komme mykje snø. Ifølgje Sogn Avis er det 20 år sidan det er registrert så mykje snø. På flat mark er det målt rundt 2 meter på garden Grov i Krundalen, skriv avisa. Også på Veitastrond er det tilsvarande snømengder.

Har du tatt bilete av snømengdene rundt deg? Send oss ein epost med bilete og litt om kor mykje snø det er komme. Send til oss på sf@nrk.no eller bruk Instagram og merk bilete med #nrksf