Det er snakk om iallfall ti personar ved Håreina på gardane Ryo og Indrelid som no må hentast med helikopter, fortel ordførar Noralv Distad.
– Desse personane er forsåvidt trygge for vatnet, men dei er heilt isolerte, dei manglar straum, og dei har behov for å kome ut av området.
Difor har han no bestilt redningshelikopter for å frakte dei ut.
- LES OGSÅ:
- LES OGSÅ:
(Saka held fram under bilete)
Dårleg flyvêr
– Kvifor er ikkje desse evakuerte tidlegare?
– Dei er i eit trygt område, men all kommunikasjon er broten, dei er straumlause. Slik dei har meldt frå til oss er dei i ein slik situasjon at dei må kome seg ut, og det er eg samd i.
Det er ikkje idelt flyvêr i Flåm akkurat no. Difor måtte eit helikopter som skulle frakte inn fagfolk frå NVE gjere vendereis. Distad håpar no at redningshelikopteret kan flyge desse inn i Flåmsdalen når dei har henta ut dei som er isolerte.
– Før desse har vore og sett på tilhøva kan vi ikkje sleppe andre inn i området, seier ordførar Noralv Distad.
Får ikkje flytte heime enno
Og ingen av dei evakuerte får flytte heim før tidlegast torsdag. I alt 143 personar måtte forlate heimane sine då Flåmselvi gjekk over breiddene sine.
– Grunnen til at dei ikkje kan flytte heim i dag er at vi ikkje har fått teke den synfaringa som må til oppetter heile Flåmsdalen, for å sjå på risiko for oppdemming som kan skape nye flaumsituasjonar.
- LES OGSÅ:
- LES OGSÅ: