– Vi kunne kanskje vore flinkare til å finne ei midlertidig løysing, det er uheldig at det har fått stå så mange dagar no i høgsesong. Men det rettferdiggjer likevel ikkje å gjere frå seg utanfor, seier Eivind Yttri i Statens vegvesen.
Årsaka til griset på rasteplassen skal ha vore eit defekt toalett, og ei dør utan fungerande lås.
– Vi veit ikkje eksakt kor lenge toaletta har vore låste, men no skal vi setje ut eit «festivaltoalett» og ordne ein krok på den øydelagde døra, seier Yttri.
- Les også:
Skal sjå på rutinane sine
– Det er fleire ting bak. Vi må sjå på rutinane våre, vi skal kunne klare å hente boset slik at rasteplassane ser akseptable ut. Når det gjeld toaletta, var det ein litt spesiell situasjon, med to hendingar etter kvarandre.
Han fortel at den eine døra har gått i vranglås, og at dei måtte bryte henne opp for å få ut ein person. Etter dette valte dei å stenge toalettet.
– Vi lovar å fjerne boset og rydde opp allereie i kveld, seier han.