Politiet fekk melding om raset klokka 14:39. Politiet opplyser at det er ingen informasjon eller teikn på at nokon er tatt av raset. Gjølsvortunnelen vart sperra, også høgspentlinja vart og skada så SFE er på staden for å reparere den.
– Entreprenøren er på staden og har starta rydding, seier Jan Marøy ved Vegtrafikksentralen i Bergen.
HER KAN DU LESE OPPDATERTE VEGMELDINGAR
Det er store snømassar som har kome ned og det er førebels uvisst når vegen blir opna igjen.
– Entreprenøren har meldt tilbake at klokka 17 håpar dei å ha fått rydda så mykje at dei kan seie noko nærare om når vegen kan opnast.
SISTE: Klokka 17:28 melder Statens vegvesen at det blir gjort ei ny vurdering klokka 19 av når vegen kan opnast igjen.