– Eg slapp heldigvis frå det nesten utan skade. Eg var heldig, konstaterer Anders Fannemel etter det som såg ut som eit stygt fall under kvaliseringa til verdscuprennet i Holmenkollen.
- LES OGSÅ:
Overfor NRK.no forklarer nordfjordingen at han blødde litt frå albuen etter fallet, og at han dagen etter er litt nummen i underarma. Det er alt.
– Eg prøvde å lande på skia, men det vart vanskeleg då eg heldt på å tippe rundt. I staden vart det ei reflekshandling, som heldigvis fungerte bra. Eg landa på sida og slo meg nesten ikkje, seier Fannemel.
(Artikkelen held fram under videoen)
– Det svartna nede på sletta
Med fallet vart 22-åringen ståande utan teljande resultat i Holmenkollen. Han var tydeleg irritert på seg sjølv, og spaserte rett forbi mixed zone - utan å ville prate med pressa.
– Det svartna for meg då eg stod nede på sletta. Adrenalinnivået var veldig høgt, og eg var irritert på at eg ikkje kvalla, seier han.
– Men eg er nøgd med at eg var såpass tøff at eg torde å satse og gå «all in», trass i litt vanskeleg vind.
– Er du litt på gli igjen, etter eit par renn under pari?
– Ja, eg nærmar meg. Det er jo ikkje meir enn halvanna veke sidan eg var topp ti i verda. Det er små detaljar som skal til, seier Fannemel.
- LES OGSÅ:
Satsar på å hevde seg i toppen i VM
No set skihopparen kursen for Lillehammer, der han måndag skal gjennomføre nokre treningshopp for å finne att godkjensla.
Samstundes er uttaket til VM i skiflyging like om hjørnet. Der håpar Fannemel å komme med.
– Om det går greitt på trening, så reiser eg nok til Harrachov. Eg trur hoppet i kvalifiseringa i går hadde floge godt der, flirer han.
– Eg har som mål å hevde meg i toppen. Alt kan skje. Det gjeld berre å få eit bra toppnivå og gå «all in» der også.
– Kva har eit fall så tett opp til VM å seie for det mentale i skiflyging?
– Det er vanskelegare å stole på bileta ein har i hovudet når ein sit på toppen. Eg må jobbe med meg sjølv. Men eg har mange hopp i vinter, der eg like gjerne kunne ha snurra - så dette er ein del av skiflyginga, seier Fannemel.
- LES OGSÅ:
- LES OGSÅ: