Dermed stig billetten frå 427 kroner til 653 kroner, skriv Firda. Svein Arne Vik, marknadssjef i Nettbuss, stadfestar at Kundekortet, som ordninga har heitt, ikkje lenger er gyldig.
Nettbuss eig Sogn og Fjordane-ekspressen saman med Firda Billag.
– Saka er den at Sogn og Fjordane-ekspressen frå og med 1. mai skal ut av Norway Bussekspress og inn i eit nystarta system som heiter Nettbuss-ekspress, seier han til avisa.
– Feil å vidareføre
Vik seier det blir jobba med ei løysing som gjer at kundane kan handle billettar på nett, og at det skal vere billegare enn å kjøpe like før avgang. Denne ordninga er ikkje klar enno.
Også Nordfjordekspressen, Sørlandsekspressen, Møre-ekspressen, Hallingbussen og Mørelinja skal inn i det nye systemet.
– I og med at den nye ordninga kjem frå 1. mai ville det bli veldig dumt å forlengje den gamle ordninga eitt år til, seier Vik til Firda.
Får ikkje rabatt
Terje Kristensen frå Fredrikstad tek kvar tredje veke bussen fram og tilbake for å arbeide på Sentralsjukehuset i Førde.
Han reagerer på at han ikkje får kjøpt rabattkortet som gir han 33 prosent rabatt på bussbilletten mellom Førde og Oslo.
– Og dette skjer i eit fylke der det ikkje finst tog. Det einaste alternativet eg har, er fly og privatbil. Frå Førde er kapasiteten på flyrutene så pressa at å finne ein lågprisbillett fredag ettermiddag er nesten umogleg, seier han.