Quizen er ei ganske lett blanding, der storparten av spørsmåla er knytt til Sogn og Fjordane, kommunane i fylket og personar som har tilknyting til våre fjell og fjordar.
Sett deg gjerne saman med nokon andre og finn fram penn og papir. Notèr ned første bokstaven i svaret, og alle bokstavane blir til eit løysingsord. Det sender du inn i svarboksen nedst på sida.
Vi plukkar ut ein vinnar kvar dag som får ein sekk med julegodis. Av alle dei som sender inn rett svar i løpet av romjula og nyttårshelga plukkar vi ut ein vinnar som får ein DAB-radio.
Her er dagens quiz:
- Jølster kommune har fått kritikk for at dei gav grønt lys til å skyte hakkespettar som hakka hol i kyrkja på Ålhus. Blant dei som protesterte var ein organisasjon med eit namn som også kan brukast som gutenamn. Kva heiter organisasjonen?
- Hekkeløparen frå Florø er ein av utøvarane frå Sogn og Fjordane som satsar mot OL i Rio. Kva heiter han til førenamn?
- Marino Ask har vore svært kritisk til at Visit FjordKysten AS vil byggje ein klatresti opp til Hornelen. Han er leiar i organisasjonen Sogn og Fjordane – kva for noko?
- Fylkespolitikarane har bestemt seg for å selje sine aksjar i Fjord1. Til kven?
- Kva heiter kommunesenteret i Gulen?
- Eit spesielt steinprodukt er viktig i historia til Hyllestad og har i dag eit eige museum i kommunen. Kva er vi ute etter?
- Dei er sterkare enn dei fleste og har vunne tallause NM-gull ved å presse vektene over hovudet. Kva kommune kjem dei frå?
- På kva veg gjennom fylket tek du ferjene Anda-Lote og Lavik-Oppedal?
- Partiet hans fekk reint fleirtal i Luster etter valet i Sogn. Tenkjer du på ein stor skapning i havet nærmar du deg etternamnet på ordføraren. Kva heiter han til etternamn?
- Kva heiter rapparen frå Florø som kom til finalen i Norske talenter? Vi vil ha etternamnet.
- I samband med 100-årsjubileet til Høyanger vart det i haust arrangert ein spesiell konkurranse i bygda. Kva blir til vanleg produsert der konserten fann stad?
- I Balestrand er det bygd eit nytt museumsbygg som stod klart i haust. Kva type museum er det?
Fristen for å sende inn rett svar er ved midnatt same dag som quizen er lagt ut.
Om du ikkje får skjemaet til å fungere kan du sende løysingsordet saman med namn og adresse til konkurranse.sfj@nrk.no
Lykke til!
- Her finn du alle svara: