Den sjeldne konglomeratsteinen på Landøy er ettertrakta, mellom anna i Italia. Men drifta til Landøy Steinindustri har skapt store konfliktar i nærområdet. Det er målt støy opp i 68 decibel fleire hundre meter unna, støv frå steinboringa fyk med vinden og legg seg på husa og er vanskeleg å få vekk. I utgangspunktet er Landøya ei naturperle.
- Dei vel heile tida den enklaste og billegaste måten å ta ut stein på, utan omsyn til folk i nærområdet, seier Kenneth Landøy i protestgruppa Landøynas framtid.
Unødvendig konfrontasjon
No har Landøy Steinindustri søkt om dispensasjon frå reguleringsplanen. Landøynas framtid protesterer mot at dei får slik dispensasjon. Det vil berre føre til unødvendige konfrontasjonar, skriv dei i eit brev til Askvoll kommune.
Dersom Landøy Steinindustri tek omsyn til naboane, er det plass til begge partar, meiner Kenneth Landøy.
Arkivfoto NRK