I mars stod Senterpartileiar Liv Signe Navarsete og næringsminister Trond Giske på ei ferje på Vestlandet og var rørande samde. Ferjefri E39 prosjektet har blitt løfta fram som eitt viktig veljaragn på Vestlandet. Men så starta den interne kranglinga.
- LES OGSÅ:
- LES OGSÅ:
Fire ulike fjordkryssingar står no og ventar på ei avgjerd, medan regjeringspartia framleis forhandlar. Ingen kan love noko avgjerd før valet, etter planen skulle trasèvala leggjast fram i samband med Nasjonal transportplan i vår. Dette er avgjerande for at ein skal kome seg vidare med planlegginga.
Fryktar trenering
Bruene som ikkje er avklara er mellom Bergen og Stavanger, over Nordfjord i Sogn og Fjordane, og alle fjordkryssingane i Møre og Romsdal. Etter det NRK kjenner til er den sterke usemja i Nordfjord ei viktig årsak til at også dei andre sakene står på vent.
- LES OGSÅ:
– Eg tenkjer at dette er for dårleg. Desse dokumenta skal fram så fort at det burde kome ei avklaring før valet, seier Tom-Christer Nilsen frå Høgre.
Han vil ha ferjefri 39 mellom Bergen og Stavanger og er utolmodig. No fryktar han at prosjektet blir trenert.
– Så lang tid det tar å få gjort dei enkelte grepa er det viktig å setje i gang så fort som mogeleg, seier Nilsen.
Lei av å vente
Også lokale raudgrøne politikarar er lei av å vente.
Ordførar i Gloppen, Anders Ryssdal frå Senterpartiet meiner det hastar å bli samde før valet, og senterpartimannen legg skulda på Ap.
(Artikkelen held fram under biletet)
– No må det bli gjort eit vedtak. No har vi brukt fire år på prosessen så langt, då er det merkeleg at regjeringa ikkje får landa dette, seier Ryssdal.
Forhandlar framleis
Statssekretær i Samferdsledepartementet, Geir Pollestad frå Senterpartiet, vedgår at partia framleis forhandlar.
– Det er ingen hemmelegheit at ulike parti har ulik vurdering av dei regionale politiske virkningane av ulike trasèval, seier Pollestad.
- LES OGSÅ:
- LES OGSÅ:
Samstundes seier Pollestad at ei avgjerd må kome i år for å ikkje trenere regjeringa sitt valløfte, men kan ikkje love at dei klarer det før valet.
– Vi ønskjer å ta ei avgjerd så raskt som mogeleg, det er klart at avgjerda er tryggast dersom det skjer før valet, men vi styrer landet ut frå eit perspektiv om at vi òg skal styre det etter valet. Det som er viktig er å få ei avgjerd i 2013, seier Pollestad.