– Det er problem med den eine propellen på ferja, seier driftsansvarleg Terje Seljestokken i Fjord1.
Det var like før klokka 11 at ferja fekk problem med å legge til kai fordi den ein propellen ikkje reagerer slik den skal.
Det betyr at det går ferje frå Oppedal kvar heile klokketime, og frå Lavik kvar halve klokketime, opplyser selskapet.
Det vert jobba med å reparere propellen, opplyser Seljestokken. Men det er førebels usikkert kor lang tid det vil ta.
– Vi håpar å få det i orden til i ettermiddag. Då aukar nok trafikken på så det hadde vore greitt å fått ordna det, seier Seljestokken.
Frå klokka 13:30 sundag er det igjen normal drift på sambandet, opplyser Fjord1.