Praktverk om Vingen lansert

Det er Trond Klungseth Lødøen og Gro Mandt som har skrive boka «Vingen. Et naturens kolossalmuseum for helleristninger».

Ì dag var det og ei markering av at det er 100 år sidan Kristian Bing oppdaga helleristingane i Vingen.

• LES MEIR OM Vingen helleristingsfelt i fylkesleksikonet.

Størst i landet

Ei rekkje gjester kom med kystvaktskipet «Njord» i det lenge etterlengta fine haustvêret, mellom dei riksantikvar Jørn Holme.

Vingen er det største helleristingsfeltet i landet med om lag 2200 figurar. Før boka som vart lansert i dag kom har berre litt av omfanget vore publisert.

Forbod mot å gå i land

Omsynet til dei meir enn 6000 år gamle figurane gjer at det er strenge restriksjonar. Det må særskilt løyve til for å få i land, og det er ikkje veg til området, som ligg på fastlandssida av Frøysjøen.