– Dei fortel ikkje sanninga når dei legg ut bilete. Eg står med rak rygg og har ikkje gjort noko gale, seier Molde til NRK.no.
Ivar Molde driv den eldste pelsdyrfarmen i landet, og har i dag over tusen revar. Han er den einaste pelsdyropprettaren i Sogn og Fjordane som har fått uventa besøk av dyrevernarar.
- LES OGSÅ:
Har ikkje dårleg samvit
Søndag viste NRK Dagsrevyen og NRK.no fram sterke bilete og videoar av sjuke og skadde dyr på 40 ulike pelsdyrfarmar rundt om i landet.
Nokre av dyrene hadde avbitne halar og føter, medan andre hadde store sår og infeksjonar i augene.
– Eg blei steik forbanna når eg såg det, seier Molde.
– Eg har ikkje snev av dårleg samvit, for eit sjukt dyr kan like godt vere ein sjuk rev, ein sjuk sau eller ei sjuk ku. Alle dyr har lov å bli sjuke, men dei må ha lov til å bli friske igjen også.
I dag har Molde politimeldt dyrevernarane for å ha brote seg inn på garden og ærekrenka han.
(Artikkelen held fram under biletet)
– Dyra har det heilt topp
For to veker sidan viste Molde
. (Sjå video nederst i artikkelen). No ligg det ute bilete og videoar på nettet av tilsynelatande skadde dyr.Molde seier dei sjuke revane på bileta i dag lever i beste velgåande og var under behandling då bileta vart tekne.
– Dyrene har det heilt topp. Det er mellom anna filma ein blårevkvalp som hadde eit stort sår bak på ryggen, men i dag er den blårevkvalpen den største eg har i garden min, seier Molde.
Vil ta knekken på næringa
Tone Andal frå Måløy er med i Nettverk for dyrs frihet. Ho har ikkje vore på garden i Lærdal, men har teke bilete frå gardar elles i landet.
– Målet er å ta knekken på pelsdyrnæringa, og vi kjem til å fortsette heilt til kvar einaste farm er nedlagt. Dette kan ikkje fortsette. Det må snart ta slutt, seier Andal til NRK.no.
- LES OGSÅ: