Debatt om den vidaregåande skulen
Foto: Geir Bjarte Hjetland

Politikk i Sogn og Fjordane

Oppsummert

Her får du siste nytt om politikk i Sogn og Fjordane. Tips oss på sf@nrk.no.

  • Sa feil i første møte

    I dag har Vestland fylke sitt første fylkesting. Då avtroppande fylkesordførar i Hordaland, Anne Gine Hestetun (Ap), skulle dele ut pins til alle representantane, gjekk det litt gale med ein gong:

    Den siste fylkesordføraren i Hordaland, Anne Gine Hestetun (Ap), sa feil då ho overrekte stafettpinnen vidare til den første fylkesordføraren i Vestland, Jon Askeland (Sp).
  • Viser 16 sentrale motiv

    I kveld blir det nye fylkesordførarkjedet overrekt Vestland fylke sin første fylkesordførar, Jon Askeland (Sp). Fjordsylv og biletkunstnar Åse B. Dale har samarbeidd om kjedet. Blant 16 motiv i kjedet finn ein Urnesportalen, Bryggen, bruer, tunnelar og fjordingen.

    Fylkesordførarkjedet for Vestland
    Foto: Vestland fylkeskommune
  • Får halde fram i styret

    21 år gamle Emma Berge Ness frå Viksdalen er innstilt til å halde fram i sentralstyret i Senterungdommen. Ho vart valt inn for første gong i fjor. Ho skal veljast på landsmøte i november. Berge Ness er dotter til stortingsvara og Senterparti-nestor Steinar Ness.

    Emma Berge Ness
    Foto: Odd Helge Brugrand / NRK
  • Sunnfjord best representert

    Sunnfjord blir den best representerte regionen i nye Vestland i høve folketalet, skriv Firda. Ni av dei 65 representantane i det nye fylkestinget kjem frå Sunnfjord. Også Sogn kjem godt ut, medan Nordfjord er regionen i Sogn og Fjordane som blir dårlegast representert.

    Fylkestinga i Sogn og Fjordane og Hordaland samla på Gulating 27.oktober 2017
    Foto: Hordaland fylkeskommune
  • Vindkraftområde er verna

    Gaularvassdraget er blant områda innan Nasjonal Ramme for vindkraft, men det vart verna i 1993, skriv Firda. Direktør for konsesjonsaavdelinga i NVE, Rune Flatby seier at den nasjonale ramma ikkje er ein utbyggingsplan, men at det kan finst stader innanfor de utpeika områda som er egna for vindkraft.

    Fossfossen i Gaularvassdraget
    Foto: Kjell Arvid Stølen / NRK
Den siste fylkesordføraren i Hordaland, Anne Gine Hestetun (Ap), sa feil då ho overrekte stafettpinnen vidare til den første fylkesordføraren i Vestland, Jon Askeland (Sp).