– Ein traktor på slep kom over i motsett køyrefelt, seier operasjonsleiar i Vest politidistrikt, Morten Rebnord.
Ulukka skjedde ved Kalbakken mellom Sogndal og Fjærland sundag ettermiddag, melder politiet.
Traktoren trefte ein personbil. Det var til saman tre personar i bilen.
– Ein person i bilen har fått eit kutt i panna. Personen får helsehjelp, seier Rebnord.
Føraren av traktoren, føraren av personbilen og ein passasjer kom uskadd frå ulukka.
