Politiet i Sogn og Fjordane må kutte overtidsbudsjettet med over 20 prosent. Det vil seie 2,3 millionar kroner. Administrasjonssjef Trond Arne Aglen i Sogn og Fjordane politidistrikt trur dette blir vanskeleg.
– Det er krevjande å få ein slik beskjed om å kutte overtidsforbruket vårt med heile 20 prosent. Det er ikkje slik at politiet jobbar overtid fordi vi har lyst til det. Vi jobbar overtid fordi det er kravd. Det er gjerne hendingar som gjerne er knytt til liv og helse vi ofte må jobbe utanom ordinær arbeidstid.
- LES OGSÅ:
Då forslaget til statsbudsjett vart lagt fram i førre veke, føreslo regjeringa å gje 400 millionar kroner til politiet. Dei sa ingenting om at dei også har varsla store kutt.
(Saka held fram under bilete)
Ein tabell (nedst i saka) viser del av Plan- og rammene for politiet for 2015 som vart sendt ut til alle politimeistrane i landet i sommar. Kort tid før statsbudsjettet vart lagt fram, kom det eit ekstra tillegg der kutta var spesifisert.
- LES OGSÅ:
- LES OGSÅ:
Veit ikkje korleis kutta skal skje
Overtidsbruken utgjer ein tredjedel av innsparingane, noko som råkar små politidistrikt hardt. Ifølge oversikta til NRK må 23 av 27 politidistrikt kutte i overtidsbruk.
– Vi er ein etat som er inne i ein reform der det er venta at politiet skal kutte kostnadar og spare pengar slik at vi er ikkje overraska over at kuttet kjem. Det blir vanskeleg å få det som eit krav på bruk av overtid. Så vi ser ikkje korleis vi skal klare det per i dag, seier Aglen.
– Viss vi må kutte må vi redusere aktiviteten, og oppdraga må avgrensast til det som er strengt påkravd, det som kan vente må vente.
Framleis er kuttlista så fersk at politiet i Sogn og Fjordane ikkje har fått oversikt over korleis dei skal klare kutta.
– Vi har ikkje konkludert med korleis vi skal løyse det. Men ingen må uroe seg for at politiet ikkje kjem dersom det er behov for det. Vi jobbar med å finne løysingar på korleis vi skal klare krava frå departementet.
- LES OGSÅ:
Må også kutte andre budsjettpostar
Men politiet må ikkje berre kutte overtidsbudsjettet. Dei må også kutte i andre postar.
– Det er fleire postar som skal kuttast. Det ligg ein forventning om at etaten skal bli meir effektiv. Så kutta kjem også i husleige, anskaffelsar og produksjon. Vi skal bli meir effektive og smartare.
– Totalt så har vi eit kuttkrav på 2,3 millionar kroner. Det er klart at det er mykje pengar i eit lite distrikt som slit med å få hjula til å gå rundt per i dag.
Det er føreslått at det skal tilførast politiet 200 nye stillingar.
– Vi veit at 200 stillingar er fordelte men Sogn og Fjordane ikkje har fått nokon av desse. Så er det att 153 stillingar som skal fordelast etter dialog med direktoratet. Vi har håp om å få nokre av dei stillingane, seier han.