– Det som er gjort av etterforsking sidan ulykka fredag er at vi har hatt avhøyr av mannskap på ferja og to av dei impliserte i bilen og folk som har vore i kaiområdet, fortel politibetjent Stein Helge Selland.
Fredag ettermiddag køyrde ein bil på fjorden ved ferjekaia på Hella. Tre personar var i bilen. To av dei kom seg fort ut på eiga hand, medan 18 år gamle Janne Holen måtte reddast frå vatnet. Tilstanden hennar var lenge kritisk, men ho er ho på betringas veg.
- LES OGSÅ:
– No står vi att med nærare gjennomgang av bilen i lag med biltilsynet seinare i dag, seier Selland.
Årsaka til at bilen hamna på fjorden vil politiet førebels ikkje kommentere.
– Vi har no danna oss eit bilete om kva som skjedde, slik at vi har litt meir klårleik i det, seier han.
Når bilen vart henta opp frå fjorden låg den på rundt fem meters djupne. Dei to gutane som var i bilen kom seg ut umiddelbart etter at dei hamna i vatnet, Janne Holen var rundt 10 minuttar i vatnet før ho vart henta opp.
– Det vi veit er at det var om lag null grader og det var mykje våt snø på kaiområdet, noko det elles var i heile Sogn.
Føraren av bilen var ikkje fråteken førarkortet etter hendinga.
– Grunnen er at vi vil samle inn opplysningar om kva som har skjedd og så er det juristen som skal ta ei vurdering på akkurat det, seier Selland.
- LES OGSÅ:
- LES OGSÅ: