– Dei pårørande var glade og letta for denne beskjeden, seier leiar for politiet i Sogn og Fjordane, Arne Johannessen.
Meldinga om hevinga kjem same dag som minnestunda for den 55 år gamle familiefaren.
Vest politidistrikt har no fått pengar til å heve bilen. I ei pressemelding blir det opplyst at arbeidet startar 11. november.
– Det er særs viktig for lokalsamfunnet, familie og pårørande at bilen vert heva, seier Johannessen.
Politiet har lyst hevingsarbeidet ut på anbod. Eit firma frå Arendal har fått oppdraget.
– Firmaet vil starte med arbeidet 11. november, seier Johannessen.
Bilen ligg på kring 170 meters djupne i Jølstravatnet. Totalprisen for oppdraget er 991 113 kroner.
– Vi håpar at den omkomne mannen er i bilen, men dette er det ingen garanti for. Vi veit ikkje om mannen er i bilen eller ikkje, seier Johannessen.
Det var i 30. juli at det gjekk fleire ras i Jølster. 150 personar blei evakuerte, og kommunen vart delt i to av ei rekke ras. På sørsida av Jølstravatnet gjekk det eit ras som tok med seg personbilen til den omkomne mannen.
