Politiet etterlyser glasbrot i valdtektssak

Lensmann Jan Egil Tvinde i Førde og Naustdal seier at dei ikkje har lukkast i å få den sikta mannen av afrikansk opphav til å forklare seg.

Den fornærma jenta i tenåra har og vore inne til nytt avhøyr i dag, utan at det har kome fram særleg mykje nytt, seier Tvinde.

• Les også: Etterforskar mogleg valdtekt i Førde sentrum

Ber om opplysingar om glasbrot

Lensmannen ber no om hjelp frå folk som har vore i området der valdtekta skal ha funne stad måndag den 28. september.

– Dersom det er nokon som har fjerna glasbrot frå vegen ved åstaden, i krysset Korsavegen/Hornnesvegen rundt klokka 21, så er vi interesserte i å kome i kontakt med vedkomande.

– Kva slags glasbrot er det snakk om?

– Det kan til dømes vere frå ei knust flaske.

– Kva skjer vidare i saka?

– Dette er ei alvorleg sak, så vi må arbeide vidare med etterforsking av ulike spor, så det er nødvendig for oss å framstille den sikta for varetekt.