Det var sundag morgon forbipasserande fann ein livlaus mann i 50-åra i Svelgen. Det melder Firdaposten.
– Vi mistenkjer ikkje at det har skjedd noko kriminelt. Dette er eit uventa dødsfall, der vi etterforskar saka for å kartlegge dødsårsak, seier politiførstebetjent Synnøve Domben til NRK.
Gjennom dagen skal politiet gjennomføre fleire vitneavhøyr.
– Vi skal snakke med mellom fem til seks vitne, seier Domben.
Mannen er sendt til obduksjon til Gades institutt i Bergen.
