Hilde Elvebakk har dei to siste åra vore eliteseriens desidert største poengsangkar. I fjor vart det 302 poeng for BSI.
Etter at bergensklubben trekte laget, har naustedølen sett til heimlege trakter i jakta på ny klubb, skriv Firda.
– Det er det enklaste både med tanke på kvar eg er ifrå, og det blir enklare å komme seg heim i helgane, seier 24-åringen til avisa.
Håpar på medalje
Førde leverte førre sesong sin beste sesong nokosinne i eliteserien. Cupfinalisten frå 2011 enda til slutt på fjerdeplass.
Sjølv om papira førebels ikkje er signerte, er trenar Jan Egil Tvinde optimist. Han trur laget kan ta nye steg i år og vere med i medaljekampen.
– Dette er ein av dei aller beste og mest verdifulle spelarane i eliteserien. Så dette er fantastisk bra for oss, seier han til Firda.