Mottaket blir spreidd på hus og leiligheiter fleire stader i kommunen og skal etter planen kome i drift fram mot jul, seier Jon Anders Martinussen i selskapet.
– Vi har i dag intensjonsavtale om leige av fleire hus og leiligheiter i Stryn kommune. Det er tenkt som eit desentralisert mottak.
I denne omgang er det ikkje andre stader i Sogn og Fjordane enn Stryn Norsk Mottaksdrift vil etablere asylmottak. Frå før driv selskapet mottak i Høyanger.
Hero Norge har ikkje planar om å opprette mottak i Sogn og Fjordane no, men Kjartan Dyrstad seier at det kan bli aktuelt seinare.
Lite informasjon til kommunen
Då Norsk Mottaksdrift oppretta mottaket sitt i Høyanger i fjor haust var det stor skepsis lokalt, ikkje minst fordi dei meinte det vart tredd nedover hovudet på dei, utan at dei kunne seie nei.
- Les også:
- Les også:
- Les også:
SAKNAR INFORMASJON: Rådmann Per Kristian Storevik (t.v.) og ordførar Sven Flo i Stryn har bede om å få vite meir om planane om asylmottak.
Foto: Terje Gilleshammer / NRKOgså i Stryn kjem det brått på kommuneleiinga. Einaste informasjonen til no er eit brev datert 22. september. Rådmann Per Kristian Storevik sende same dagen ein epost og bad om meir informasjon:
«Frå kommunens side kjenner vi ikkje til kva planar De måtte ha for
etablering av eit mottak i Stryn kommune, og vi er sjølvsagt interesserte i meir informasjon om dette så raskt som råd, herunder lokalisering, drift m.v. av eit mottak.»
Jon Anders Martinussen i Norsk Mottaksdrift seier at det skal kommunen få.
– Vi har i tråd med retningslinjene i anbodet sendt eit informasjonsskriv, og så vil det vere naturleg at vi held kontakt og kjem med ytterlegare informasjon vidare i prosessen.
