Politiet melder at personane ikkje er skadd, men at dei ikkje kom seg ned frå fjellet ved eiga hjelp.
– Personane vil bli henta ned med Sea King, sa vakthavande ved operasjonssentralen i Sogn og Fjordane politidistrikt, Synnøve Domben klokka 09.50.
Ressursar vart varsla og klokka 10.54 melde politiet om at personane er komne om bord i Sea King-helikopteret, som skal frakte dei ned frå fjellet.
Sat fast på 1444 m.o.h.
Politiet fekk melding om personane klokka 08.40. Men det har vore vanskeleg å kommunisere.
– Det er svært dårleg dekning i området, så kontakta må gå over tekstmelding, sa Domben tidlegare i dag.
Området personane sat fast i er ved Vetlefjordbreen i Balestrand, 1444 meter over havet.