Politiet opplyser klokka 13.20 at ein mann har falle på elva nær Gamle Strynefjellsveg, i nærleiken av sommarskisenteret.
Politiet opplyser at 42-åringen har falle utfor ein mindre foss, og pådrege seg fleire kutt og brotskadar.
Frakta til sjukehus
Då politiet fekk melding om ulukka, var den skadde kome på land.
– Mannen skal ha kome seg på land sjølv, opplyser politiet.
Mannen er frakta med luftambulanse til Førde sentralsjukehus.
AMK opplyser klokka 1845 at mannen er moderat skadd og er lagt inn ved vanleg avdeling.