– I samband med eit ambulanseoppdrag på legevakta på Nordfjordeid vart ein av sjukepleiarane slått til av ein pasient, fortel kommunikasjonssjef i Helse Førde, Terje Ulvedal.
Hendinga skjedde tysdag, og planen var å sende pasienten frå Nordfjord sjukehus til Førde.
– Eg kan ikkje seie og veit heller ikkje noko om kva som er årsaka til at pasienten slo, seier Ulvedal.
Sjukepleiaren vart innlagt på sjukehuset, men vart skriven ut onsdag morgon. Ulvedal fortel at prøvane viser at ho ikkje skal vere skadd etter hendinga, men fekk eit så kraftig slag at ho hovna opp og måtte vere på sjukehuset den natta.
– Det er klart at dette ikkje er noko kjekt. Spesielt ikkje for den som opplever det. No kjem vi til å politimelde denne episoden, og vi vil sjølvsagt registrere dette i vårt avvikssystem, seier han.
- LES OGSÅ: