– Eg fekk telefonen i går, og då var det berre å kasta seg rundt, bestilla fly og gjera seg klar til avreise, seier 22-åringen.
Internasjonal motstand
Vard Haugesund-spelar Oddbjørn Skartun vart oppringt av FK Haugesund onsdag, og allereie i morgon vendar han nasen mot Tyrkia. Der skal tippeligalaget trena i ei veke, og dei skal òg spela mot Mesterligalaget Shaktar Donetsk (Ukraina).
– Det hadde vore fantastisk å få spela mot dei og sjå kva nivå dei er på. Eg håpar å få speletid, seier Skartun.
Han ser på dette som ein god moglegheit til å få testa kor god han er i forhold til tippeligaspelarane og den europeiske storklubben.
– Eg er ikkje so oppteken av korleis det går. Det er mest det å få erfaringa, og å sjå kva eg må jobba vidare med som fotballspelar som er viktig.
- LES ÓG:
– Han har kvalitetane til å bli Tippeligaspelar. Han har ein iver etter å trena og veldig gode haldningar, samstundes som han har talentet til å bli god, seier Vard Haugesund-trenar Steinar Lein.
– Kjempenøgd
Sogndølen reiste til forlét moderklubben Sogndal til fordel for 2. divisjonslaget i Rogaland i 2009. Der har han skora 33 mål på 66 kampar – som kantspelar.
– Eg fekk lite speletid i Sogndal. Det var mange om beinet, men eg fekk ikkje visa meg fram so mykje som eg ønskte. Difor var det naturleg å søka seg vidare til ein klubb der eg fekk fast speletid, seier 22-åringen.
– Eg har utvikla med som både spelar og person, so eg angrar ikkje i det heile tatt på at eg reiste frå Sogndal.
I Vard Haugesund har han gjort det bra, og ved sidan av fotballen studerer han økonomi. Men Skartun legg ikkje skjul på at det ville vore vanskeleg å takka nei om Sogndal skulle visa interesse.
– Sogndal vil alltid ha ein spesiell plass i hjartet mitt. Å springa ut på Fosshaugane i ein Tippeligakamp hadde gitt meg frysningar.