– Heilt sjukt! Alle dei nominerte er folk eg diggar å høyre på. Dette er utruleg, utruleg stas, seier ein glad Aase til NRK.
- LES OGSÅ:
Morgonvert
Han tok imot utmerkinga under Prix Radio, ein årleg prisfest for alle som jobbar i og med radio i Norge, som gjekk av stabelen under Radiodager 2010 på Thon Ullevaal hotell i Oslo fredag kveld.
23 år gamle Ronny Brede Aase er oppvaksen i Førde og har på få år blitt ein markant profil i NRK sin ungdomskanal. Det siste året har han leia P3-morgen saman med makker Line Nelvik. Dei to var også programleiarar på TV under VG-lista Topp 20 frå Rådhusplassen i Oslo i sommar.
- LES OGSÅ:
– Hyggjeleg å bli sett pris på
I 2009 vann Aase Kulturdepartementet sin nynorskpris for journalistar.
– For karrieren betyr dette kanskje ikkje så mykje, men det er hyggjeleg å bli sett pris på for jobben ein gjer, seier Ronny Brede Aase etter prisutdelinga fredag kveld.
Desse var nominerte til årets DJ:
- Christer Dahl, NRJ
- Ronny Brede Aase, P3
- Stian Eliassen, P3
- Krokens Ettermiddag, Radio Norge
- Kveldsshowet, P4
Juryen skriv følgjande om kriteria for prisen:
«Kategorien forutsetter en studiovert som underholder lytteren i en sending hovedsakelig basert på musikk. Årets DJ vurderes på stemmebruk, flyt i sendingen, tempo, lydbilde, evnen til å vise personlighet i sendingen og underholdningsverdi.»