Fleire norske enn utanlandske førarar bryt køyre- og kviletidsreglane

Av dei 15 norske sjåførane som vart kontrollerte på Håbakken, vart ni av dei meldt for brot på køyre- og kviletida.

Tormod Gausdal, seksjonsleiar ved Sogndal Trafikkstasjon, seier dette er ein trend dei har sett dei siste åra.

• LES OGSÅ: Dette er det nyaste våpenet i jakta på vogntog med farlige bremser

– Det er ei klar negativ utvikling i høve til i fjor. Vi har vel sett i fleire år at dei utanlandske førarane køyrer om dagen og søv om natta, seier Gausdal.

Meldte 11 av 61

Til samanlikning vart 11 av 61 kontrollerte utanlandske tungtransportsjåførar melde for det same.

• LES OGSÅ: Politimelde dobbelt så mange sjåførar som i same periode i fjor
  
• LES OGSÅ: Stadig fleire gir blaffen i desse skilta - køyrer i staden rett forbi

– Det er ganske stor skilnad, og eg håpar at dette jamnar seg utover året, at januar var spesiell. Men vi vart overraska over den store skilnaden, seier Gausdal og trur ei av årsakene er at næringa er sterkt pressa på pris.

• LES OGSÅ: Vegvesenet ber bedriftene bry seg meir om utanlandske sjåførar
  
• LES OGSÅ: Desse skilta lyser stadig oftare på kveldane, om nettene og i helgene
  
• LES OGSÅ: Sjåførar hevdar dei blir forskjellsbehandla av vegvesenet

– At ein både må ta med seg meir gods enn ein har lov til etter aksellastreglane, og at ein i tillegg må køyre meir etter køyre- og kviletidsreglane enn dei har lov til for å få endane til å møtast, seier Gausdal.

Fekk 60.000 i bot

Kontrollane syner også at når dei utanlandske sjåførane først bryt lova, så gjer dei det til gangs.

I byrjinga av januar fekk ein ukrainsk og ein nederlandsk førar til saman 60.000 kroner i bot. Dei to hadde køyrt 18 timar i strekk .

• LES OGSÅ: Yrkessjåfør miste førarretten i fjor - i går vart han teken på fersken
  
• LES OGSÅ: Dyrt å ikkje stanse for kontroll

– Vi har utanlandske førarar med betydelege brot på reglane. I januar i år har politiet beslaglagt førarkortet til fem av desse førarane på grunn av grove brot på køyre- og kviletida, seier Gausdal.

– Vanskeleg å kommentere

Per A Øren, fylkesleiar i Lastebileigarforbundet, seier det er vanskeleg kommentera at fleire norske bryt reglane utan å vite kor alvorlege brota er.

– Er dette alvorlege brot, nummeret før førarkortbeslag, så er det alvorleg. Men det er klart at dersom brota er av mindre karakter, der det er fem-ti minuttar for å nå fram til ei ferje eller ein kvilestad, så er det noko heilt anna, seier han.