– Dette er ei sak vi har jobba mykje med, og det er svært gledeleg at vi har fått gjennomslag for det som har vore eit eintydig råd frå fagfolka, kommunane og dei tilsette på overgrepsmottaket, seier fylkesleiar i Framstegspartiet, Frank Willy Djuvik.
- LES OGSÅ: Vil samle vald og overgrepshjelp
- LES OGSÅ: Første melding om relasjonsvald
– Ei samanhengande behandling
Djuvik har tidlegare sagt at dei jobba med ei omgjering av vedtaket, og sa til NRK at det er den faglege kompetansen som er avgjerande for at dei vil at kommunane framleis skal drive mottaka.
– Det viktige er at brukarane får ei samanhengande behandling. Det er kommunane som har ansvar for oppfølging og vidare tilbod til dei som oppsøkjer overgrepsmottaket. Har kommunane ansvar for alt, så slepp ein å bli kasta rundt i ein allereie vanskeleg situasjon, sa Djuvik
Fekk gjennomslag
Og når finansminister Siv Jensen skal leggje fram statsbudsjettet onsdag, føreslår regjeringa at ansvaret for mottaka blir i kommunane .
I Sogn og Fjordane har kommunane samla seg om eit felles overgrepsmottak, som har vore i drift sidan sommaren 2012.
Ifølgje Djuvik er målet at overgrepsmottaka skal utviklast til å verte kraftsenter for personar som har blitt utsette for vald. I tillegg skal fastlegar og helsepersonell på legevaktene få kompetanseheving innan feltet vald i nære relasjonar, fortel Djuvik.
– No håpar eg at dei tilsette kan få ro til å byggje opp eit endå betre senter, med høg fagkompetanse, som kan gje menneske i ein svært vanskeleg livssituasjon ein betre kvardag, seier Djuvik.
