Førde-ordførar Nils Gjerland seier han kjem til å trekkja seg frå styret i Sunnfjord Energi under neste generalforsamling.
- Eg sit til det er ei ny generalforsamling neste vår.
- Kva skjer då?
- Då har eg ikkje ambisjon om å sitja lenger.
- Då trekkjer du deg?
- Ikkje nødvendigvis på grunn av dette, men av meir prinsipielle årsaker.
Bør halda prinsipiell avstand
Gjerland har lenge meint at han og andre ordførarar ikkje bør ha for mange styreverv.
- Eg har jo lenge meint reint prinsipielt at ordførarar bør halda ein viss avstand til slike styrerom, seier han.
I nyheitene mandag morgon presenterte Frp kravet om at Gjerland burde trekkja seg frå styret i Sunnfjord Energi:
Meiner Gjerland braut avtalen
Førde Frp gav frå seg ein plass i formannsskapet, mot at dei skulle få styreplassen i Sunnfjord Energi. No meiner dei Gjerland braut avtalen.
Utover dagen kom det fram at det var BKK som vraka Frp:
Fylkesleiar Knut M. Olsen i Senterpartiet seier han kan sjå kvifor enkelte meiner det var uklokt av Førde-ordførar Nils Gjerland å takke ja til styrevervet i Sunnfjord Energi.
Forstår at spørsmålet kjem
Gjerland meiner sjølv at han ikkje har brote nokon avtale, all den tid han faktisk stemte på Frp-kandidaten under generalforsamlinga.
- Men at eg lot dei fremja meg som kandidat, kan ein sjølvsagt setja spørsmålsteikn ved, vedgår han.
Mandag kveld møter Gjerland toppane i KrF, Frp, Høgre og Venstre for å drøfte den omstridde saka.