Sogndal kan gå glipp av ei nettoinntekt på 3,5 millionar kroner, dersom dei ikkje greier opprykket til eliteserien.
- Omsetnaden vil auke med om lag seks millionar, men netto betyr det litt mindre ettersom vi har litt andre utgifter med spel i eliteserien, sier dagleg leiar Yngve Hallén i Sogndal Fotball.
Satsar på overskot
Draumen om opprykk fekk seg eit skot for baugen, då No må Sogndal ut i kvalifisering - først mot Kongsvinger, deretter mot vinnaren av kampen mellom Fredrikstad og Sarpsborg 08.
- LES MEIR:
Sogningane håpar framleis dei er gode nok til å ta steget opp i år.
- Vi skal framleis drive ansvarleg. I eliteserien skal vi også produsere eit overskot, slik at vi har til trongare tider, seier Hallén.
Oppunder 30 millionar
Men Hallén meiner det er andre grunnar enn dei økonomiske, som gjer at det er viktig for Sogndal å komme tilbake til eliteserien.
- Det viktigaste er all den entusiasmen og stoltheita. Dessutan kjem omdømme for Sogndal og heile fylket - det vil nok vere den største vinsten, seier leiaren.
Skulle Sogndal rykkje opp i eliteserien, vil klubben leggje seg på ein omsetnad på mellom 26 og 28 millionar kroner. Blir klubben verande i 1 .divisjon, betyr det ei omsetnad på mellom 20 og 22 millionar kroner.